ტექნოლოგია
ტექნოლოგია, როგორც პროცესის ნაწილი
მომსახურებას საკუთარ ციფრულ ინსტრუმენტებზე ვაწყობთ — რომ დათვლა უფრო სწრაფი იყოს, შეცდომა ადრე გამოჩნდეს და ყველა ციფრს ჰქონდეს წყარო.
3D საწყობი
გახსენით ტელეფონზე
inverse.ge/demo/warehouseციფრული რეესტრი
რას იღებს მომხმარებელი დათვლის შემდეგ: ყველა აქტივი ფოტოთი, კოდით, ლოკაციით, პასუხისმგებელი პირითა და მდგომარეობით, შენიშვნები ფოტოზევე მონიშნული, ფილტრები და ექსპორტი.
რეესტრის დემოს გახსნა →კონფიდენციალურობის დაცვა
თითოეული კლიენტის მონაცემები ცალკეა — იზოლირებულია თავად ბაზის დონეზე და ხელმისაწვდომია მხოლოდ თქვენ მიერ დასახელებული პირებისთვის. ნაშთებს, ფასებს და ვიდეომასალას მესამე პირებს არ ვუზიარებთ — ეს ხელშეკრულებითაა გამყარებული.
ინფორმაციის წაკითხვადობის სიმარტივე
შედეგი ერთ გასაგებ ანგარიშშია: ჯამი, სხვაობები და მათი მიზეზები — ტექნიკური ტერმინების გარეშე. თქვენ, თქვენი ბუღალტერი და აუდიტორი ერთსა და იმავე ციფრებს ხედავთ.
მარკირება და კოდები
ეტიკეტს ზედაპირისა და მიზნის მიხედვით ვარჩევთ: წებვადი სტიკერი, ელექტრონული ეტიკეტი თაროზე, ლაზერული მარკირება, რომელიც ლითონზე, პლასტმასსა და ხეზე არ იშლება, და ბეჭდვა პირდაპირ ყუთზე. QR კოდი თავსდება პროდუქტზეც და თაროზეც; ყველა ადგილი დანომრილია — ზონა, სტელაჟი, იარუსი — და ვამოწმებთ, რომ ყოველი კოდი ტელეფონით სუფთად იკითხებოდეს. კლიენტის აქტივზე მუდმივი მარკირება მხოლოდ მისი წერილობითი თანხმობით ხდება.
დათვლის ვიდეოჩანაწერი
დათვლა ხელთავისუფალ კამერაზე იწერება (სათვალე ან თავზე დამაგრებული კამერა), ვიდეო კი დათვლის მონაცემებს ერთვის — ნებისმიერი ციფრი მოგვიანებით გადამოწმდება იმით, რაც თაროზე იყო.
RFID
შემდეგი ეტაპი
რადიოჭდეები ჯგუფურად იკითხება, პირდაპირი ხედვის გარეშე — სტელაჟი წამებში და არა ერთეულ-ერთეულად. RFID-ს ვცდით ძირითადი საშუალებების რეესტრისა და ხშირი დათვლებისთვის.
რა ეტაპზეა
ინსტრუმენტები ჩვენი გუნდის ყოველდღიური სამუშაოს ნაწილია. პილოტი კლიენტებთან 2026 წელს იგეგმება.